འདི་ནི་གཞིས་རྩེ་གྲོང་ཁྱེར་དིང་རི་རྫོང་སྒང་དཀར་གྲོང་རྡལ་གྱི་དབང་པོ་སྐྱོན་ཅན་མི་རིགས་ལག་ཤེས་བཟོ་ལས་མཉམ་ལས་ཁང་གི་ལས་དོན་མི་སྣས་མི་རིགས་ཀྱི་ཁྱད་ཆོས་ལྡན་པའི་ཡུལ་སྐོར་དྲན་རྟེན་ཐོན་རྫས་བཟོ་བཞིན་པ།

ཉེ་བའི་ལོ་ཤས་རིང་། རང་ལྗོངས་ཀྱིས་ཞིང་འབྲོག་པའི་ཆེད་ལས་མཉམ་ལས་ཁང་འཕེལ་རྒྱས་ལ་སྐུལ་འདེད་གཏོང་རྒྱུ་དེ་ལས་དོན་གལ་ཆེན་ཞིག་ཏུ་བརྩིས་ནས་དམ་འཛིན་བྱས་ཤིང་། འཕེལ་རྒྱས་མགྱོགས་སུ་གཏོང་བ་དང་ལས་དོན་ཆེན་པོ་གཉིས་རྒྱ་སྟོབས་ཆེ་རུ་གཏོང་བའི་གཙོ་གནད་ལ་དམ་པོར་དམིགས་ཐོག་བྱེད་ཐབས་སྣ་མང་སྤྱད་དེ་ཞིང་འབྲོག་པའི་ཆེད་ལས་མཉམ་ལས་ཁང་གི་ནུས་པ་འདོན་སྤེལ་ཧུར་ཐག་ཐུབ་རྒྱུར་སྐུལ་འདེད་ཀྱིས་ཞིང་འབྲོག་པའི་ཡོང་འབབ་མང་དུ་བཏང་ནས། གྲོང་གསེབ་ཀྱི་ངལ་ནུས་ལྷག་མ་ལས་ཞུགས་གཞན་སྒྱུར་བྱ་རྒྱུར་སྐུལ་ཁྲིད་བྱས་པ་རེད།